Chaina ta yi barazanar murkushe cin gashin kai a Taiwan

Sojojin Chaina sun ce a shirye suke su murkushe duk wani yunkuri na ayyana cin gashin kai a tsibirin Taiwan a cewar wata sanarwa daga ma'aikatar tsaron China.

Beijin ta zafafa barazana ga Taiwan a karkashin shugaban Tsai Ing-wen a wani mataki na karkata hankulan masu zabe zuwa ga jam'iyyun 'yan takara da ke biyayya ga Chaina.

Dubban magoya bayan jam'iyyun siyasar na Taiwan sun gudanar da taron gangami yayin da yan takara ke yakin neman zabe a rana ta karshe gabanin zaben da Chaina ta yi kashedin cewa zai iya kaiwa ga haifar da yaki a kan tsibirin. China dai na ikrarin cewa tsibirin mallakinta ne